IDEALIPSTICKS

Idealipsticks veñen de Guadalajara e armaron moita trásfega no panorama independiente, coa súa habilidade para actualizar os sons rockeiros máis clásicos. Unha posta en escea atractiva e moita actitude, valeulles xa o recoñecemento de boa parte da crítica, con cancións que se situan entre o pop de guitarras, a new wave e o punk.

No 2009 publicaron o seu álbum de debut, "Radio days". Un disco producido por Paul Grau nos estudios Gismo 7 de Motril (Granada) e masterizado por Greg Calbi nos estudios Sterling Sound de Nova York.

En 2010 Idealipsticks publicou o seu segundo álbum, "Sins & songs", mantendo a frescura do seu antecesor, e esa dualidade de voces masculina/femenina selo da casa que os caracteriza, anque neste disco votaron man da súa vena máis rockeira e garaxeira para dar renda solta a súa creatividade. É en definitiva un disco a antiga usanza, sen cancións de recheo nin lugar aos experimentos. Trece trallazos de Rock & Roll condensados neste traballo que farán as delicias e convencerán aos asiduos ao Rock de Garaxe máis aguerridos e tamén aos “Rockeiros” de novo cuño.

Maryland

A traxectoria dos vigueses Maryland é temprá de feito, o seu primero traballo, "Surprise" veu a luz no 2009, dando a sorpresa cun son fresco e contundente. Con este disco, Maryland pasearonse por varios festivais de renome e todo tipo de salas. coas súas letras un tanto etéreas sen caer no shoegaze máis sectario, con guitarras enérxicas, e toqueteando unha morea de etiquetas, pero coa capacidade de non caer moito en ningunha delas.

En 2011 sacan "Get Cold Free", o segundo disco da banda, disco no que, a o contrario do que indica o seu título, nótase que se volcaron de cheo nel, deixando atrás calquera tipo de dúbidas e medos. Maryland da; un importante paso cara adiante con “Get cold Feet”, mostran unha maior madurez que se traduce nun son que gaña en intensidade e frescura. Un son máis atrevido e solto que lles fai gañar moitos enteiros. Neste senso “Surprise” percibese agora coma un diamante sen pulir, o que di moito da fantástica evolución da banda.